ការប្រឡងប្រជែងរចនាម៉ូតអាគារនៅ បាត់ដំបង

អត្ថបទដោយ ៖ រឿន វីរៈ

ប្រសិនបើអ្នកទាំងអស់គ្នាគិតថាខ្លួនមានទេពកោសល្យច្នៃប្រឌិតខ្ពស់ក្នុងការរចនាម៉ូតអាគារ អ្នកទាំងអស់គ្នាគួរតែចូលរួមក្នុងការប្រលងប្រជែងនិម្មាបនកម្មមួយនេះ រៀបចំដោយ The Bang។ និម្មាបនិកកម្ពុជាទាំងអស់អាចចូលរួមក្នុងការប្រឡងប្រជែងនេះបាន។

ព័ត៌មានត្រួសៗស្តីពីការប្រកួតនេះ ៖

• រចនាម៉ូតអាគារឲ្យលេចធ្លោ ហើយមានលក្ខណៈពិសេសមានទីតាំងនៅកណ្តាលក្រុងបាត់ដំបង។ អាគារនេះត្រូវតែសំយោគចេញពីមរតកនិម្មាបនកម្ម ស្របពេលដែលឆ្លុះបញ្ចាំងពីអនាគតភាពផងដែរ។
• គេនឹងប្រើប្រាស់អាគារនេះជាមជ្ឈមណ្ឌលផ្តួចផ្តើមធុរៈកិច្ចសំរាប់សហគ្រាសសង្គមផ្សេងៗ ក៏ដូចជាមជ្ឈមណ្ឌលវប្បធម៌មួយផងដែរ។ វាគួរតែជាកន្លែងមួយជំរុញលើកទឹកចិត្តឲ្យសហគ្រិន និងសិល្បករកម្ពុជាជំនាន់ថ្មីអាចបង្កើតអ្វីមួយដ៏អស្ចារ្យ និងអាចធ្វើឲ្យពិភពលោកយើងរីកចំរើនថែមមួយកំរិតទៀត។
• ផ្នែកខ្លះ ឬក៏អាគារទាំងមូលគួរតែរចនាឡើងដោយប្រើប្រាស់វត្ថុធាតុដើមក្នុងស្រុក និង/ឬក៏វត្ថុធាតុដើមដែលធ្វើឲ្យសំណង់មានចីរភាព។
• អាគារនេះគួរតែក្លាយជាគ្រឿងសំគាល់និម្មាបកម្មប្រចាំទីក្រុងបាត់ដំបង និងប្រទេសកម្ពុជាទាំងមូល។

ការប្រឡងប្រជែងនេះធ្វើឡើងសំរាប់និម្មាបនិកកម្ពុជាទាំងឡាយ។

កាលបរិច្ឆេទផុតកំណត់ទទួលពាក្យ ៖ ថ្ងៃទី១៥ ខែធ្នូ ឆ្នាំ២០២០។

គេនឹងផ្តល់ដំណឹងពីជ័យលាភីរចនាម៉ូត និងការរចនាម៉ូត០៥ផ្សេងទៀតដែលគួរឲ្យចាប់អារម្មណ៍នៅក្នុងខែមិនា ឆ្នាំ២០២១ ហើយគេនឹងយកការរចនាម៉ូតដែលបានចូលរួមទាំងអស់មកតាំងពិព័រណ៍ក្នុងឱកាសសម្ភោធអាគារ The Bang ដែលនឹងធ្វើឡើងក្នុងឆ្នាំ២០២១តាមការគ្រោងទុក។

តម្រូវការមុខងារផ្សេងៗនៅក្នុងអាគារ ៖

• លំហបើកទូលាយធំមួយធ្វើជាការិយាល័យធ្វើការសមូហភាព
• លំហសំរាប់ធ្វើជាវិចិត្រសាលសិល្បៈ / មជ្ឈមណ្ឌលសហគមន៍មួយ
• ការិយាល័យសំរាប់គណៈគ្រប់គ្រងរបស់ PKO
• បន្ទប់អនាម័យ
• ទីតាំងមួយ (ខាងក្នុងឬក្រៅអាគារ) សំរាប់តាំងបង្ហាញរូបចំលាក់ទំហំ ០៣ម*០៣ម*០៣ម របស់សិល្បករ​​ ពេជ្រ សុភាព
• មុខងារបន្ថែមបើសិនជាអាច៖ លំហអន្ថេវាសិកដ្ឋានសិល្បករ (ស្ទូឌីយ៉ូ / បន្ទប់គេង បន្ទប់ទឹក)
• ថវិការសំរាប់សង់អាគារ ៖ ៥០ ម៉ឺនដុល្លាសហរដ្ឋអាមេរិក

សំរាប់ព័ត៌មានលំអិតបន្ថែមទៀតសូមអ្នកទាំងអស់គ្នាចូលទៅកាន់ ៖ http://www.the-bang.org/competition ឬក៏ផ្ញើសាេអេឡិចត្រូនិកទៅកាន់អាស័យដ្ឋាន ៖ info@the-bang.org។